Jónsmessuhátíð sem Byggðasafn Árnesinga heldur á Eyrarbakka

Mikið verður um að vera alla helgina og við hvetjum alla til að mæta.

Við í Þjóðbúningafélaginu erum sérstaklega boðin velkomin og allir sem mæta uppáklæddir fá  frítt inn á öll 4 byggðasöfnin.

Dagskráin nær hámarki sínu á laugardeginum 21. júní og því hvetjum við alla til að mæta þann dag.

Það sem verður á dagskránni er m.a. Bollywood dans, Postularnir, opin hús víða um bæinn, skemmtilegt handverk og bílskúrssölur hér og þar… aðallega þar 🙂

Kl 19:30 verður samsöngur í Húsinu og þangað erum við sérstaklega velkomin.

Kl. 20:30 verður Jónsmessubrenna í fjörunni þar sem verður spila og sungið fram á nótt.

Deginum líkur með dansi balli á efstu hæðinni í Rauðahúsinu. Aldurstakmark 20 ár og hóflegur aðgangseyri.

Laugabúð verður opin frá kl. 11, en þangað er gaman að koma. Byggðasafnið opnar öll sín 4 hús kl. 10 og Rauða Húsið opnar fyrir matar- og kaffigesti kl. 12. á hádegi.